काठमाडौं : स्विजरल्याण्डलाई हराउँदै इटली युरोकप फुटबलको नकआउट चरणमा प्रवेश गरेको छ ।
गए राति भएको समूह चरणको दोस्रो खेलमा स्विजरल्याण्डलाई ३–० गोलले पराजित गर्दै इटली नकआउट चरणमा प्रवेश गरेको हो । इटलीलाई जित दिलाउन म्यानुएल लोकाटेलीले दुई र सिरो इमोबाइलले एक गोल गरे ।
२०१८ को विश्वकपमा छनौट हुन नसकेको इटली, यो पटक युरो कपको नकआउट चरणमा प्रवेश गर्ने पहिलो टिम बनेको छ।
जितसँगै इटलीले लगातार १० खेलमा जित निकाल्न सफल भएको छ । ६ अङ्क जोड्दै इटली समूहको शीर्ष स्थानमा रहेको छ । समूहको तेस्रो स्थानमा रहेको स्विजरल्याण्डको यो पहिलो हार हो । स्विजरल्याण्डले दुई खेलमा एक अङ्क जोडेको छ ।
प्रतिक्रिया दिनुहोस
Copyright © 2019 / 2024 - Newpati.com - All rights reserved
