धनकुटा : धनकुटा नगरपालिका क्षेत्रमा अहिले निशेधाज्ञा लगाएको अवस्थामा धनकुटा उद्योग बाणिज्य संघले धनकुटा बजारमा दैनिक उपभोग्य समाग्रीहरुको अवस्था,मुल्य, व्यापार व्यवसायको स्थिति लगायतका अवस्था बुझ्न बजार अनुगमन गर्न शुरु गरेको छ ।
उपभोक्ताहरुको जनगुनासो बढ्न थालेकोले धनकुटा बजारमा धनकुटा उद्योग बाणिज्य संघले आज अनुगमन गर्दै निशेधाज्ञाको अहिलेको अवस्थामा अत्यवाश्यक तथा दैनिक उपभोग्य सामाग्रीहरुको मौजाद,सप्लाई,मुल्य र विक्रिवितरणको अवस्थाको बुझ्नका लागी अनुगमन गरेको हो ।
पसलहरुमा अनुगमन गर्दै अनिवार्य मास्क लगाई सामाजिक दुरी कायम गरेर मात्र तोकिएको विहान र साझको समयमा मात्र व्यापार व्यावसाय गर्न सवै व्यावसायी तथा व्यापारीहरुलाई अनुरोध गरिएको धनकुटा उद्योग बाणिज्य संघका अध्यक्ष विजय सन्तोषी राईले वताउनु भयो । महामारीबाट अहिले बाचियो भने पछि केही गर्न सकिने भएकाले कोरोना भाईसबाट बच्न सुरक्षाका सवै विधि अवलम्बन गरी सुरक्षित भएर मात्र व्यापार व्यावसाय गर्न समेत धनकुटा उद्योग बाणिज्य संघका अध्यक्ष विजय सन्तोषी राईले आग्रह गर्नु भएको छ ।
धनकुटा जिल्लामा एक साता भित्र धनकुटामा ९० जना भन्दा बढीलाई कोरोना संक्रमित भैसको र दुई २ जनाको निधन समेत भैसकेको छ ।
प्रतिक्रिया दिनुहोस
Copyright © 2019 / 2024 - Newpati.com - All rights reserved
