फेरी बढ्यो सुनको भाउ

काठमडौं  : सुनको मूल्य बढेर फेरी एक लाख माथि पुगेको छ । अन्तर्राष्ट्रिय बजार पच्छ्याउँदै मंगलबार स्थानीय बजारमा छापावाल सुनको मूल्य तोलामा २ हजार २ सयले उकालो लागेर १ लाख ४ सय कायम भएको नेपाल सुन चाँदी व्यवसायी महासंघले जनाएको छ । सोमबार भने २ सयले घटेर ९८ हजार २ सयमा कारोबार भएको थियो ।

यसअघि साउन २३ गते हालसम्मकै उच्च १ लाख ३ हजार ५ सयमा कारोबार भएको थियो । यस्तै मंगलबार चाँदीको मुल्य पनि तोलामा ६५ रुपैयाँले वृद्धि भएर १३ सय ८० रुपैयाँ कायम भएको महासंघले जनाएको छ । अन्तराष्ट्रिय बजारमा यतीबेला सुन प्रतिऔन्स २ हजार ८ डलर हाराहारीमा कारोबार भईरहेको छ ।