सुनको भाउ घट्यो

काठमाण्डौ : सुनको भाउ आज (बुधबार )घटेको छ । लगातार उकालो लाग्दै आएको सुनको भाउ आज भने तोलामा ६ हजार २ सय रुपैयाँ घटेर तोलाको ९५ हजार ४ सय रुपैयाँमा झरेको नेपाल सुनचाँदी व्यवसायी महासंघले जनाएको छ । सुन हिजो तोलाको एक लाख एक हजार ६ सय रुपैयाँ थियो ।

सुनको भाउमा एकैदिन धेरै रुपैयाँ घटेको यो पहिलो घटना हो । यस्तै चाँदी आज तोलामा २ सय २५ रुपैयाँ घटेर तोलाको एक हजार २ सय १० रुपैयाँमा झरेको छ ।