वीरगञ्ज : पर्साको वीरगञ्जमा सेना, प्रहरी र कैदीबन्दीसहित थप ३४ जनामा कोरोना संक्रमण देखिएको छ । नारायणी अस्पतालको पीसीआर प्रयोगशालामा २७४ जनाको स्वाब परीक्षण गर्दा ३४ जनामा कोरोना संक्रमण पुष्टि भएको अस्पतालका डाक्टर उदय नारायण सिंहले जानकारी दिनुभएको छ ।संक्रमितमध्ये २० जना वीरगञ्जकै छन् । संक्रमण देखिएकामा २ देखि ६५ वर्ष उमेरका ३४ जनामा रहेका छन् ।
जसमध्ये ५ जना बालबालिका र १० जना महिला छन् । त्यस्तै संक्रमण देखिएका मध्ये नेपाल प्रहरीका ३ जना, सेनाका एक, वीरगञ्ज कारगारमा रहेका कैदी बन्दी ६ जना, कारागारका कर्मचारी दुईजना, दुई जना स्वास्थ्यकर्मी तथा पैसा तिरेर स्वेच्छाले परीक्षण गराएका एकजनामा पनि संक्रमण देखिएको छ ।
प्रतिक्रिया दिनुहोस
Copyright © 2019 / 2024 - Newpati.com - All rights reserved