विश्वभर कोरोना संक्रमितको संख्या १ करोड ४६ लाख नाघ्यो

काठमडौं ।  विश्वभर कोरोना संक्रमितको संख्या १ करोड ४६ लाख नाघेको छ। वल्डोमिर्टसको अपडेट अनुसार विश्वभर पछिल्लो २४ घण्टामा २ लाख २० हजार भन्दा वढी संक्रमित थपिएसँगै संक्रमितको कुल संख्या १ करोड ४६ लाख नाघेको हो।

यसैगरी पछिल्लो २४ घण्टामा विश्वभरमा ४ हजार ३ सय संक्रमितले ज्यान गुमाउँदा मृत्यु हुनेको कुल संख्या ६ लाख ८ हजार २ पुगेको छ।

विश्वका विभिन्न मुलुकमा ५२ लाख वढी संक्रमित उपचाररत रहेका छन्, जसमा झण्डै ६० हजार संक्रमितको अवस्था गम्भीर रहेको छ भने हालसम्म विश्वभर ८७ लाख ३५ हजार निको भएको वल्डोमिर्टसले जनाएको छ।