सुनको मुल्यमा सामान्य गिरावट

काठमाडौं । नेपाली बजारमा बिहीबार सुनको मूल्य केही घटेर कारोबार भइरहेको छ । प्रतितोला एक सय रूपैयाँले घटेर आज ९२ हजार ७ सय रूपैयाँमा कारोबार भइरहेको नेपाल सुनचाँदी व्यवसायी महासंघले जनाएको छ ।

बुधबार छापावाला सुन प्रतितोला ९२ हजार ८ सयमा कारोबार भइ रेकर्ड बनाएको थियो । त्यसैगरी आज तेजावी सुन प्रतितोला ९२ हजार दुई सय ६० रुपैयाँमा कारोबार भइरहेको छ । चाँदी प्रतितोला एक हजार पाँच रुपैयाँमा कारोबार भइरहेको महासंघले जनाएको छ ।