काठमाडौं । ब्राजिलका राष्ट्रपति जायर बोल्सोनाराको दोस्रो पटकको कोरोना टेष्टको रिपोर्ट पनि पोजेटिभ आएको छ । राष्ट्रपति बोल्सोनाराले पछिल्लो पटक भएको परीक्षणमा पनि आफूलाई कोरोना संक्रमण देखिएको जानकारी दिनुभयो ।
गत साता कोरोना भाइरसको संक्रमण पुष्टि भएपछि उहाँलाई अस्पताल भर्ना गरिएको थियो । झण्डै हप्ता दिनपछि गरेको परीक्षणमा पनि संक्रमण कायमै रहेको देखिएको हो ।
कोरोना भाइरसको महामारीका कारण विश्वमा सबैभन्दा बढी प्रभावित हुने देशको सूचिमा ब्राजिल दोस्रो स्थानमा छ । ब्राजिलमा संक्रमितको संख्या १९ लाख ७० हजार भन्दा बढी पुगेको छ । त्यसमध्ये ७५ हजार ५ सय भन्दा बढीको मृत्यु भइसकेको छ ।
प्रतिक्रिया दिनुहोस
Copyright © 2019 / 2024 - Newpati.com - All rights reserved