नाच नाच सिजन ५ को ताज जेनिसाको पोल्टामा

इटहरी । नाच नाच सिजन ५को ताज इटहरी मोडल एकेडेमीकी जेनिसा पौडेलले जितेकी छन । लामो समय देखि सुनसरीको इटहरीमा रहेर नृत्यकला प्रशिक्षण दिदै आएको नागी डान्स सेन्टरले आयोजनाको नाचनाच सिजन ५को प्रतिस्पर्धामा १९ जनालाईलाई पछि पार्दै जेनिसा ताज जितेकी हुन । त्यसै गरी नाचनाच सिजन ५ अन्र्तगत कोशी जेन्टजेम्स स्कुलकी युना दाहाल दोस्रो , सुनसरी जेन्टजेभियस स्कुलका दिलप्रतिक तामागं तेस्रो भए । भने एसओएस स्कुलकी दिपसिना बस्नेत चौथो र सिभी स्कुलका अनमोलजगं कार्की वन्न सफल भएको आयोजक नागी डान्स सेन्टरका सञ्चालक बसन्त बस्नेतले वताए ।

नाचनाच सिजन ५को प्रतियोगितामा प्रथम द्धितिय र तृतिय हुने विद्यार्थीहरुलाई उद्योग वाणिज्य संघ इटहरीका महासचिव पिताम्बर पोखरेल लगायतले नगद क्रमश २५हजार १५हजार र १० हजार साथै विभिन्न गिफ्ट ह्याम्पर प्रदान गरेका थिए । त्यसै गरी चौथो तथा शान्त्वना साथै विभिन्न विद्यामा उत्कृष्ट हुनेहरुलाई समेत गिफ्ट ह्याम्परहरु प्रदान गरिएको थियो । नाचनाच सिजन ५को प्रतिस्पर्धामा इटहरी क्षेत्रका ११ विद्यालयमा २० जना विद्यार्थीहरुले प्रतिस्पर्धा गरेका थिए ।