दील्ली हिंसा : मृत्यु हुनेको संख्या १८ पुग्यो,१५० भन्दा बढी घाईते

दिल्लीको उत्तर–पूर्वी इलाकामा भड्किएको जारी हिंसामा मृत्यु हुनेको संख्या १८ पुगेको छ । १५० भन्दा बढी घाइते भएका छन् । गुरु तेग बहादुर अस्पतालका प्रबन्धक सुनिल कुमार गौतमका अनुसार हालसम्म १८ जनाको मृत्यु बिभिन्न सञ्चारमाध्यमहरुले जनाएको छ । सोमबारबाट सुरु भएको प्रदर्शन आजसम्म पनि जारी छ ।

प्रदर्शनले उग्ररुप लिएपछि राष्ट्रिय सुरक्षा सल्लाहकार अजित डोभालले गएराती हिंसाग्रस्त इलाकाको भ्रमण गरेका छन् । सोमवारको प्रदर्शनमा ८१ व्यक्ति घाइते भएका थिए भने हिजोको घटनामा घाइते ६९ जनालाई उपचारका लागि अस्पताल पु¥याइएको थियो ।विवादास्पद नागरिकता कानुनको पक्ष र विपक्षमा रहेकाहरु झडपमा उत्रिएपछि दिल्लीको उत्तरपूर्वी क्षेत्र असान्त बनेको हो ।