कोरोनाभाईरसका कारण चिनमा एक सय बढीको मृत्यु

काठमडौं । कोरोनाभाइरसको महामारीबाट चीनमा ज्यान गुमाउनेको सङ्ख्या मङ्गलबार १ सय ६ पुगेको छ । गत वर्षको अन्त्यमा हुबेई प्रान्तमा देखिएको कोरोनाभाइरस फैलिने क्रम जारी रहेको छ । यस भाइरसबाट संक्रमित १३ सय नयाँ बिरामी फेला परेको चिनियाँ अधिकारीहरुले जनाएका छन् ।

हुबेईमा रहेको स्वास्थ्य आयोगले हुबेईमा थप २४ जनाको मृत्यु भएको जानकारी दिँदै थप १२ सय ९१ जनामा यसको संक्रमण देखिएको जानकारी दिएको छ । योसँगै देशभर यस भाइरसबाट संक्रमित हुनेको सङ्ख्या ४ हजार बढीमा पुगेको छ ।चिनियाँ सरकारले हुबेईका सहरहरुलाई नै ‘सील’ गरेर भाइरसको उपचार गर्ने प्रयास गरिरहेको संचारमाध्यमहरुले जनाएको छ । यसले गर्दा ५ करोड जनता बाहिरी विश्वको सम्पर्कबाट टाढा रहेका छन् ।