इटहरी : नेपाली कांग्रेस रामधुनीका मेयरका उमेद्वार सुदिप अधिकारीले थारुप्रति अथाह प्रेम रहेको बताएका छन् । बिहिबार घरदैलो कार्यक्रममा उनले थारुहरुको जुठो खाएर हुर्केको भएकाले आफु उनीहरु संग प्रेममा रहेको बताए ।
रामधुनीमा थारुहरु सामाजिक तथा आर्थिक अवसरबाट बञ्चित भएकाले अब आफु थारुहरुको मुद्धामा केन्द्रीत हुने उनको भनाई छ । थारुको कोहबर र ग्रामथानको संरक्षण आफ्नो पहिलो प्राथमिकता भएको भन्दै उनले थारु परिकार र संस्कृतीलाई आम्दानी संग जोड्ने उनले प्रतिवद्धता जनाए ।
रामधुनीको विकाशमा आफु पहिल्यै देखी गम्भीर भएको बताउँदै अघिल्लो नेतृत्वले गरेका राम्रा कामलाई निरन्तरता दिने धारणा राखे । उपमेयर आशा चौधरी र ९ वटै वडाका वडाध्यक्षका उमेद्वारहरु सहित उनी घरदैलो अभियानमा छन् ।
घरदैलो अभियानको क्रममा देखिएका समस्याहरुलाइ टिपोट गरि सुरुमा अध्यन गरिने र निर्वाचन पश्चात सोहि विषयमा समस्या सामधान गर्ने गरि योजना बनाएर काम गर्ने प्रतिवद्धता सहित अभियान जारि राखेका हुन् ।
रामधुनीको समग्र बिकाश र समृद्ध नागरिक लगायतका विषयलाई मुख्य चुनावी एजेण्डा बनाएर शिक्षा, स्वास्थ्य र कृषिलाई मुद्धा बनाएर काँग्रेस चुनावी अभियानमा छ ।
प्रतिक्रिया दिनुहोस
Copyright © 2019 / 2024 - Newpati.com - All rights reserved