एसियाकै धनी मुकेश अम्बानीले खोले नयाँ दोकान

एजेन्सी । एसियाकै धनी व्यक्ति हुन् मुकेश अम्बानी । उनले विश्वकै धनी व्यक्ति जेफ बेजोसलाई कडा टक्कर दिने भएका छन् । भारत लगायत विश्वको विभिन्न भागमा अनलाइन सपिङ कम्पनी अमेजनको ठुलो प्रभाव रहेको छ । अब भारतमा अमेजनलाई पछि पार्न मुकेश अम्बानी लागि पर्ने भएका छन् । 

उनले नयाँ व्यवसाय सुरु गर्दै अमेजनलाई भारतमा पछि पार्ने बताएका हुन् ।मिडिया रिपोर्टका अनुसार मुकेश अम्बानीको रिलायन्स इन्डस्ट्रीले घरायसी र किराना सामान पुर्याउने काम गर्नेछ । मुकेशले सुरु गरेको यो व्यवसायको नाम जिओमार्ट राखेका छन् । 

भारतमा हाल भइरहेका अनलाइन रिटेलर कम्पनीहरूलाई यसले ठुलो असर पार्ने बताइएको छ । नयाँ स्किम अनुसार जिओमार्टले निःशुल्क र छिटो  पुर्याउने कम्पनीले जनाएको छ । पछिल्लो समय भारतमा इ–कमर्स बजारमा अमेजन र फ्लिपकार्टको प्रभाव अत्याधिक रहेको छ ।