इनरुवा : सुनसरीको सदरमुकाम इनरुवा बजारका मासु पसलहरुका गरिएको अनुगमनमा झिगाँ भन्किएको तथा मापदण्ड पुरा नगरि धेरै पसलहरु सञ्चालन गरिएको पाइएको छ ।
इनरुवा नगरपालिकाको अगुवाईमा सरोकारवाला निकायहरुको समन्वयमा गरिएको मासु पसलको अनुगमनका क्रममा झिगाँ भन्किएको विक्री गर्ने गरेको तथा पसलहरु मापदण्ड अनुसार नरहेको पाइएको हो ।
इनरुवाका विभिन्न वडामा सञ्चालित १५ देखि २० वटा मासु पसलमा संयुक्त अनुगमन टोलीले अनुगमानका क्रममा झिगाँ भन्किएका र मापदण्ड पुरा नगरि मासु पसल सञ्चालन गरिएको पाइएको वताइएको छ । इनरुवा नगरपालिका पशु चिकित्सक डा.राजकुमार यादवले मासु पसल सञ्चालनका मापदण्डहरुका विषयमा सबै वडाका मासु पसल सञ्चालकहरुलाई सहभागी गराएर सहजिकरण साथै प्रचारप्रसार गरिएपनि मापदण्ड पुरा नगरिएको पाइएको जानकारी गराए ।
जिल्ला प्रशासन कार्यालय , कोशी प्रदेश कृषि मन्त्रालय , पशु अस्पताल इनरुवा लगायतको सहभागितामा गरिएको अनुगमनमा मापदण्ड पुरा नगरेका मासु पसलहरुलाई सात दिने र पन्ध्र दिने अल्टीमेटम दिइएको छ । त्यस पछि पनिका मापदण्ड अनुसार सञ्चालन नगरिए कारवाही गरिने समेत नगरपालिकाले जनाएको छ ।
इनरुवाका वडा नम्बर ३ र ५मा रहेका १५ देखि २० वटा मासु पसलको अनुगमनका क्रममा धेरै जसोमा झिगाँ भन्किएको तथा मापदण्ड पुरा नगरेको र ३ , ४ वटा भने राम्रो अवस्थामा सञ्चालन गरेको पाइयो । अनुगमन टोलीमा जिल्ला प्रशासन कार्यालय सुनसरीका सहायक प्रमुख जिल्ला अधिकारी माधव ढुंगाना , कृषि मन्त्रालय कोशी प्रदेशकी भेटेरिनरी निरीक्षक डा. दिपा दिवाली ,पशु अस्पताल इनरुवाका चिनेश्वर मेहता, खाद्य सुरक्षाका सिर्जन जोशी लगायतका सरोकारवालाहरुको सहभागिता रहेको थियो ।
प्रतिक्रिया दिनुहोस
Copyright © 2019 / 2024 - Newpati.com - All rights reserved