पाँचथर । बाढी पहिरोका कारण पिडित बनेका पाँचथरको याङवरकका ६७ परिवारलाई क्विक रेष्क्यु टिमले खाध्यान्न सहयोग गरेको छ । बाढी पहिरो पिडित याङवरक गाउँपालिका वडा नम्बर १ र २का ६७ परिवारलाई इसाई समाज कोशी प्रदेशको सहकार्यमा खाध्यान्न उपलव्ध गराइएको वताइएको हो ।
क्विक रेष्क्यु टिमका अध्यक्ष विक्रम एक्तेनले याङवरकका ६७ परिवार र संखुवासभाका विभिन्न जोखिमपुर्ण स्थानमा वस्दै आएका १६ घर परिवारलाई अस्थायी रुपमा सुरक्षीत स्थानमा वसोवासको व्यवस्था मिलाएर खाद्यान्न सामाग्री २५ केजी चामल,तेल,सावुन,टिसर्ट लगायतका सामाग्रीहरु वितरण गरिएको समेत अध्यक्ष एक्तेनले वताए ।
यस अघि पनि क्विक रेष्क्यु टिमले बाढी पहिरो पिडित तथा कोरोना कालमा समेत विपन्न परिवारका लागि खाद्यान्न सहयोग गर्दै आएको छ । कोरोना कालमा स्वास्थ्य सुरक्षा सामाग्री औषधी , पोटेवल अक्सिजन लगायतका सामाग्रीहरु समस्यामा परेकाहरुलाई घरघरमा पुगेर उपलव्ध गराउदै आएको थियो ।
प्रतिक्रिया दिनुहोस
Copyright © 2019 / 2024 - Newpati.com - All rights reserved
