इटहरी : थारु समुदायको आस्थाको धरोहर ग्रामथानको संरक्षण र उत्थानमा सहयोग पुर्याएको भन्दै सुनसरीका दुई जना सञ्चारकर्मीहरुलाई सम्मान गरेको छ । ग्रामथान संरक्षण समिति सुनसरीको पाँचौ बार्षिक साधारण सभाको अवसर पारेर सञ्चारकर्मीहरु सुमन पुरी र विवेक भट्टराईलाई सम्मान गरिएको हो ।
इटहरी उपमहानगरपालिकाले थारुलाई नगरको प्रथम जाति घोषणा गरेको भन्दै सोही अवसरमा उपमहानगरपालिका प्रमुख हेमकर्ण पौडेल र उपप्रमुख संगिता चौधरीलाई पनि सम्मान गरियो । त्यसै गरी ग्रामथान संक्षण समिति सुनसरीका सल्लाहाकार पदम अधिकारीलाई पनि सम्मान गरियो ।
ग्रामथान संरक्षण समिति सुनसरीका अध्यक्ष तेजनारायण चौधरीको अध्यक्षता तथा इटहरी उपमहानगरपालिका प्रमुख हेमकर्ण पौडेलको प्रमुख आतिथ्यमा भएको साधारण सभामा ग्रामथानको अवस्थाका विषयमा अध्यक्ष चौधरीले प्रतिवेदन प्रस्तुत गरेका थिए ।
कार्यक्रममा रामधुनी नगरपालिका प्रमुख शंकरलाल चौधरी इटहरी उपमहानगरपालिका उपप्रमुख संगिता चौधरी लगायतका अतिथीहरुको सहभागिता रहेको थियो । कार्यक्रमका वक्ताहरुले ग्रामथान संरक्षणमा सबैको सहयोग हुनु पर्नेमा जोड दिएका थिए ।
प्रतिक्रिया दिनुहोस
Copyright © 2019 / 2024 - Newpati.com - All rights reserved