इटहरी : पछिल्लो समयमा इटहरी तथा आसपासका क्षेत्रहरुमा समेत ठुला होटल,रेष्टुरेन्ट ,वार खुल्ने क्रम वढी रहेको तर्फ मध्यनजर गर्दै व्यवस्थापन पक्ष उत्कृष्ट वनाउने उद्धेश्यले तालिम सञ्चालन गरिएको छ । रेष्टुरेन्ट तथा वारको उत्कृष्ट व्यवस्थापन केन्द्रीत तीन दिने तालिम इटहरीको होटल इनटुरिष्ट होटेलमा सुरु भएको हो ।
नेपाल टुरिजम वोर्ड,युएनडिपी नेपाल , होटल व्यवसायी संघ नेपाल लगायतको संयुक्त आयोजनामा सुरु भएको तालिममा इटहरी तथा आसपासका क्षेत्रका ३० जना होटल सञ्चालक तथा कर्मचारीहरुको सहभागिता रहेको छ ।
होटल व्यवसायी संघ नेपाल प्रदेश १ का अध्यक्ष राजन श्रेष्ठको अध्यक्षता तथा होटल व्यवसायी संघ नेपालका वरिष्ठ उपाध्यक्ष विनायक शाहको प्रमुख आतिथ्यमा सुरु भएको तालिममा सुर्यकिरण श्रेष्ठले सहजिकरण गरिरहेको होटल व्यवसायी संघ नेपाल प्रदेश १ का महासचिव जिवन पराजुलीले जानकारी दिएका छन ।
तालिममा होटल व्यवसायी संघ नेपाल प्रदेश१का वरिष्ठ उपाध्यक्ष भविश कुमार श्रेष्ठ र युएनडीपी नेपालका नेशनल प्रोजेक्ट डारेक्टर धनन्जय रेग्मी लगायतले तालिमले होटल व्यवसाय सञ्चालनलाई थप व्यवस्थित वनाउन मद्धत पुग्ने पनी विश्वास ब्याक्त गरे ।
प्रतिक्रिया दिनुहोस
Copyright © 2019 / 2024 - Newpati.com - All rights reserved
