जेसिज सप्ताह समापन

इटहरी । साताव्यापी रुपमा विभिन्न कार्यक्रमहरु आयोजना गर्दै आएको इटहरी जेसिजले यस वर्षको जेसिज सप्ताह समापन गरेको छ ।

नेपाल जेसिजका राष्ट्रिय अध्यक्ष लालमणी भण्डारीको प्रमुख आतिथ्यमा इटहरी जेसिजले जेसिज सप्ताह समापन गरेको हो ।

जेसिज समापन कार्यक्रममा अभियान्ताहरु बसन्त अधिकारी , मानुषी यामी , मनिष झा विशेष वक्ताका रुपमा बोलेका थिए । सुजन पुरीको संयोजकत्व तथा इटहरी जेसिजका अध्यक्ष लोकनाथ भण्डारीको अध्यक्षतामा भएको समापन कार्यक्रममा तेहौं साग प्रतियोगिताकी गोल्डमेडलिष्ट शुशिला राई , सामाजिक क्षेत्रमा योगदान गर्ने दिवस पोखरेल, क्रिकेट खेलको विकासमा योगदान गर्ने सुनसरी क्रिकेट संघका अध्यक्ष चेतनाथ पौडेल सिपी र नेपाल पत्रकार महासंघका केन्द्रीय सदस्य अमर खड्कालाई सम्मान गरियो ।

त्यसै गरी जेसिज सप्ताह अन्तरगत आयोजना गरिएका कलेज स्तरिय वक्तृत्वकला प्रतियोगिता , जेसिज शाखा स्तरिय हाजिरी जवाफ प्रतियोगिता , दौउड प्रतियोगिता लगायतका प्रतियोगिताका विजयीहरुलाई शिल्ड तथा पुरस्कार समेत वितरण गरियो ।