नेपाल जेसिजको क्षेत्र क सम्मेलन मोरङ्गको सुन्दरहरैचामा हुने

मोरङ्ग । युवाहरुको नेतृत्व तथा व्यक्तित्व विकासका क्षेत्रमा महत्वपुर्ण योगदान गर्दै आएको नेपाल जेसिजको क्षेत्र क सम्मेलन मोरङ्गको सुन्दरहरैचामा हुने भएको छ ।

क्षेत्र क सम्मेलनका विषयमा जानकारी गराउने उद्धेश्यले आयोजना गरिएको पत्रकार सम्मेलनमा यही भाद्र १७ र १८ गते हुने जानकारी गराइएको हो । सुन्दरहरैचा नगरपालिका प्रमुख केदारप्रसाद गुरागाईको प्रमुख आतिथ्य र इन्द्रपुर जेसिजका अध्यक्ष भवानी ढकालको अध्यक्षतामा पत्रकार सम्मेलन गरी क्षेत्र क सम्मेलनका विषयमा जानकारी गराइयो । पत्रकार सम्मेलनमा सुन्दरहरैचा क्षेत्रमा जेसिजको क्षेत्र क सम्मेलन आयोजना गर्न लागिएको यो दोस्रो पटक भएको समेत जानकारी दिइयो ।

पत्रकार सम्मेलनमा बोल्खै नगरप्रमुख गुरागाईले सम्मेलन आयोजनाले सुन्दरहरैचाको पर्यटकीय क्षेत्रको प्रचारप्रसारमा सहयोग पुर्याउने विश्वास व्यक्त गरे । उनले आगन्तुकहरुलाई सुन्दरहरैचा क्षेत्रका कलकारखाना तथा पर्यटकीय क्षेत्रकोहरु घुमाउने व्यवस्था मिलाउन आग्रह समेत गरे ।

दुई दिन सम्म चल्ने सम्मेलनको उदघाटन इन्द्रपुर जेसिज मंलग स्मृति प्रतिष्ठान सामुदायिक भवनमा हुने र उदघाटन पुर्व प्रधानमन्त्री केपी शर्मा ओलीले गर्ने इन्द्रपुर जेसिजका पुर्व जनाइएको छ । दुई दिने सम्मेलनमा प्रभावका लागि कार्य विषयक कार्यपत्र प्रस्तुति र टिप्पणी , साधारण सभा , विभिन्न विषय केन्द्रीत तालिमहरु , अन्तर शाखा वक्तृत्वकला प्रतियोगिता सहित पर्यटकीय क्षेत्रहरुको दृष्यावलोकन गराई कार्यक्रम रहेको समेत पत्रकार सम्मेलनमा जानकारी गराइयो । सम्मेलनका लागि तयारी पुरा भएको र सहभागिताहरु आउने क्रमपनि सुरु भएको इन्द्रपुर जेसिजका अध्यक्ष भवानी ढकालले जानकारी दिए । नेपाल जेसिजको क्षेत्र क सम्मेलनमा प्रत्यक्ष रुपमा करिव १५सय जनाको सहभागिता रहेने अनुमान गरिएको छ ।