इटहरी : नेपाली हिन्दु महिलाहरुको महान पर्व तिजलाई लक्षित गरी हरेक वर्ष तिज विशेष कार्यक्रमको आयोजना गर्दै आएको तिरुपति अटो सिटीले यस वर्ष पनि रोटरी क्लब अफ इटहरी संग सहकार्य गरेर निरन्तरता दिएको छ ।
इटहरीमा रहेको यमाहा मोटरसाईकल तथा स्कुटरको विक्रेता तिरुपति अटो सिटीले रोटरी क्लब अफ इटहरी संग मिलेर विभिन्न सामाजिक कार्य समेत समयसमयमा गर्दै आएको छ भने यस पटकको तिज विशेष कार्यक्रम पनि रोटरी क्लव अफ इटहरी संगै मिलेर आयोजना गरेको हो ।
तिरुपति अटो सिटी इटहरीका सञ्चालक तथा रोटरी क्लव अफ इटहरीका अध्यक्ष सञ्जोग पराजुलीकोे अध्यक्षतामा भएको कार्यक्रममा सहभागिहरुले तिजका गितमा नाचगान गरेर रमाइलो गरेका थिए भने तिजको दर खुवाउने परम्परालाई निरन्तरता दिँदै दर खुवाउने कार्यलाई विगत झै निरन्तरता दिएको कार्यक्रम अध्यक्ष संजोय पराजुलीले बताए ।
कार्यक्रममा रोटरी क्लब अफ इटहरीका महिलाहरु साथै इटहरी क्षेत्रका अन्य महिलाहरु गरी ३०० जनाको सहभागीता रहेको थियो ।
प्रतिक्रिया दिनुहोस
Copyright © 2019 / 2024 - Newpati.com - All rights reserved