इटहरी : रोटरी क्लब अफ इटहरी र ब्रह्माकुमारी राजयोग सेवा केन्द्रको संयुक्त आयोजनामा १ दिवशिय प्रशिक्षण कार्यक्रम सम्पन्न भएको छ ।
आइतवार इटहरी स्थित ब्रह्माकुमारी राजयोग सेवा केन्द्रको सभाहलमा “अनगिन्ती खुसीको लागी अरु एक कदम” नामक प्रशिक्षण कार्यक्रम सम्पन्न भएको हो ।
रोटरी क्लब अफ इटहरीका अध्यक्ष संयोग पराजुलीको अध्यक्षता तथा रोटरी क्लब इन्टरनेशनलकी असिस्टेन्ट गभर्नर अर्चना तापडीयाको प्रमुख आतिथ्यतामा सम्पन्न कार्यक्रमलाई ब्रह्मकुमार विजयराज सिग्देलले सहजिकरण गरेका थिए ।
उक्त कार्यक्रम स्वास्थ्य जीवन शैली, तनाव व्यवस्थापन, राजयोग शिविर लगाायतका प्रशिक्षणमा केन्द्रित रहेको थियो । उक्त प्रशिक्षणले शान्ति, खुसी प्राप्त हुने साथै शारीरिक, मानसिक एवम् सामाजिक सम्बन्ध सुमधुर हुने ब्रह्मकुमारी राजयोग सेवा केन्द्रकी सञ्चालिका शारदा दीदीले जानकारी दिइन् ।
साथै आगामी दिनमा पनी सेवा केन्द्रले राजयोग शिविर, ध्यानका साथै विविध कार्यक्रमहरु सञ्चालन गर्ने उनले विश्वास व्यक्त गरीन् ।
उक्त प्रशिक्षण मार्फत व्यवसायी, कर्मचारी, राजनीतिज्ञ लगायत विभिन्न संघ संस्थाका २ सय ५० जनाको सहभागिता रहेको थियो ।
प्रतिक्रिया दिनुहोस
Copyright © 2019 / 2024 - Newpati.com - All rights reserved
