धरान । धरान उपमहानगरपालिका प्रमुख हर्क साम्पाङले सुरु गरेको वृक्षारोपण अभियानमा सहयोग जुट्ने क्रम बढेको छ । यही क्रममा बुल्स एलेभेन इटहरीले पनि नगरप्रमुख साम्पाङको अभियानमा सहयोग गर्दै धरानको ओशो पार्क क्षेत्रमा वृक्षारोपण गरेको छ ।
नगरप्रमुख साम्पाङले एक वर्षमा पाँचहजार विरुवा रोप्ने भनेर अभियान सञ्चालन गर्दै आएका थिए । सोही अभियानलाई सफल वनाउन बुल्स एलेभेनको तर्फबाट ८सय ७५ विभिन्न जातका विरुवाहरु रोपिएको उपाध्यक्ष रामु राईले जानकारी दिएका हुन ।
विगत पाँच वर्ष देखि इटहरी क्षेत्रमा सरसफाई अभियान सञ्चालन गर्दै आएको वुल्स एलेभेनले धरानका नगरप्रमुख साम्पाङको अभियानलाई सफल वनाउन यस अघि पनि निशाने खोला क्षेत्रमा श्रमदान गरेको थियो । बुल्स एलेभेनको वृक्षारोपण कार्यक्रममा स्थानीयले समेत सहयोग पुर्याएको उपाध्यक्ष राईले वताए ।
प्रतिक्रिया दिनुहोस
Copyright © 2019 / 2024 - Newpati.com - All rights reserved
