ईटहरी : इटहरीमा सेलुन एकेडेमी मेकअप स्टुडियो शुक्रबारबाट सञ्चालनमा आएको छ । उक्त मेकअप स्टुडियोको निल डेबिड कट्वालले शुक्रबार उद्घाटन गरेका छन् ।
५ वर्ष सम्म अस्ट्रेलियामा मेकअप स्टुडियो सम्बन्धि कोर्ष सकेर नेपाल आएकि जेनिसा पराजुलीले आफुले सिकेको ज्ञानको प्रयोग नेपाल मै गर्नु पर्छ भन्ने उदेश्यले स्टुडियो सञ्चालनमा ल्याएको बताएकी छिन् । स्टुडियोले सुरुवाती समयमा ६ जना भन्दा बढिलाई प्रत्यक्ष रुपमा रोजगारी दिएको उनले बताइन् । सेलुन एकेडेमी मेकअप स्टुडियोमा महिला र पुरुष दुबैलाई सेवा प्रवाह गर्ने समेत उनले जानकारी दिइन् ।
कार्यक्रमका प्रमुख अतिथि निल डेबिड कट्वालले सेलुन मेकअप स्टुडियो संचालनमा आउँदा आफु धेरै खुशी भएको बताएका छन् । निल डेबिडले देश विदेशमा गरेर २८ वटा भन्दा बढि स्टुडियो संचालन गरेको समेत बताए । हालसम्म उनले एक हजार भन्दा बढि मानिसलाई रोजगारी दिएको जानकारी दिएका छन् । निल डेबिडले नेपाल, भारतमा समेत हेयर सेलुन तथा ब्युटिपालर संचान गर्दै आएका छन् र पछिल्लो समयमा उनले दुबईमा समेत पार्लर संचालन गर्न सम्झौता गरेर आएको बताएका छन् ।
त्यसैगरि मेकअप स्टुडियो संचालनमा आउदा धेरै युवा युवतिले रोजगारी पाउने बिशिष्ठि अतिथि इटहरी वडा नम्बर ६ का वडा अध्यक्ष दिवस पोख्रेल आशा व्यक्त गरेका छन् । उनले इटहरी व्यवसायिक हवको रुपमा परिचित हुँदै गरेको समयमा यस प्रकारका व्यवसायले थप युवायुवतीहरुमा व्यवसाय प्रति उर्जा थपिने विश्वास व्यक्त गरे ।
प्रतिक्रिया दिनुहोस
Copyright © 2019 / 2024 - Newpati.com - All rights reserved