रुसद्वारा युक्रेनका दुई सहरमा अस्थायी युद्धविरामको घोषणा

WEB PIC

एजेन्सी :  रुसले युक्रेनमाथि हमला गरेको ११ औं दिनमा अस्थायी युद्धविरामको घोषणा गरेको छ । शनिबार रुसको तर्फबाट अस्थायी युद्धविरामको घोषणा भएको हो ।

रुसले दुई सहर, मरियुपोल र भोल्नोभाखाका युद्धमा फसेका स्थानीय बासिन्दालाई बाहिर निस्कनका लागि अस्थायी युद्धविरामको निर्णय लिएको अन्तर्राष्ट्रिय संचारमाध्यमहरुले जनाएका छन् ।

रुस र युक्रेनका अधिकारीहरुबीच भएको दोस्रो चरणको वार्तामा युद्धमा फसेका मानिसको सहायताका लागि मानवीय करिडोर खुलाउने सहमति भएको थियो ।

रुसको आक्रमणका कारण कैयौं युक्रेनी नागरिकले ज्यान गुमाएका छन् भने १२ लाख भन्दा बढीले युद्धबाट जोगिन युक्रेन छोडेका अन्तर्राष्ट्रिय संचारमाध्यमले जनाएका छन् ।