आइपिएल २०२२ मा सहभागी १० टिम द्वारा महत्वपूर्ण खेलाडीको सूची सार्वजनिक, प्रत्येक टिमले ९० करोडसम्म खर्च गर्न पाउने

एजेन्सी : २०२२ मा हुने १५ औं संस्करणको इन्डियन प्रिमियर लिग (आइपिएल) मा सहभागी १० टिमले आफ्ना महत्वपूर्ण खेलाडीको सूची सार्वजनिक गरेका छन् । पुराना ८ र नयाँ २ सहित आईपीएलमा यसपटकदेखि १० टिमको सहभागिता हुने छ । प्रत्येक टिमले ९० करोडसम्म खर्च गर्न पाउने छन् ।

नयाँ फ्रेन्चाइज क्लब अहमदाबाद र लखनउले पनि तीन–तीन खेलाडी घोषणा गरेसँगै सबै १० टिमले न्यूनतम् खेलाडी रिटेन र रिलिज गरेका छन् । अब हरेक टिमले आफूसँग बचेको रकमबाट आगामी फेब्रुअरी १२ र १३ मा बैंगलुरूमा हुने मेगा अक्सनमा खेलाडी खरिद गर्ने छन् ।

आईपीएल २०२२ मा सबै टिमलाई ९० करोड सम्म खर्च गर्न पाउने नियम बनाएको छ । यसमा रिटेन गरिएका खेलाडीलाई दिएको रकम घटाएर बाँकी रहेको रकमका आधारमा फ्रेन्चाइज टिमले अक्सनमार्फत खेलाडी राख्न पाउनेछन् ।