बराहक्षेत्र : सुनसरीको बराहक्षेत्र -७ ढिकझोडा, सोमबारेमा रहेको बसन्तऋतु मा.बि. ले आफ्ना विद्यार्थीहरुलाई पढाई संगै अतिरिक्त क्रियाकलापमा पनि निकै अगाडी बढाई रहेको छ ।
सोमबार विद्यालयका सूचना अधिकारी सुमन बिकलको संयोजकत्वमा ट्राफिक नियम सम्बन्धि जनचेतनामुलक कार्यक्रम सम्पन्न भएको छ । सो कार्यक्रममा ईलाका प्रहरी कार्यलयका ट्राफिक प्रहरी देबराज बिष्टले सहजीकरण गर्नु भएको थियो भने स्वागत मन्तव्य विद्यालयका शिक्षक लेखु न्यौपानेले राख्नु भएको थियो ।
कार्यक्रममा विद्यालयका प्र.अ. प्रकाश पोखरेलले विद्यालयलाई अगाडी बढाउन जस्तो सुकै कठिनाई आएपनी पछि नहट्ने बताउनु भएको छ । पछिल्लो समयमा शिक्षकहरुको कामबाट निकै नै सन्तुष्ट भएको समेत प्र.अ. पोखरेलले बताउनु भयो ।
आज सप्पन्न जनचेतनामुलक कार्यक्रमबाट विद्यार्थीहरु निकै खुशी भएको शिक्षक रुपा तामाङले जानकारी दिनु भयो । विद्यालयमा युवा शिक्षकको सङ्ख्या बढ्दै गए संगै विद्यालयले मुहार फेर्दै गएको र विद्यार्थीहरु निजि विद्यालयबाट बसन्तऋतु मा.बि.मा आकर्षित भएको कुरा युवा शिक्षक द्वय जानुका आचार्य र सृजना पौडेलले बताउनु भएको छ । यस विद्यालयका शिक्षक हिमा बि.क. , फणिन्द्र पौडेल र सुमन बिकलले आफ्ना सन्तानलाई आफ्नै विद्यालयमा भर्ना गरेकोमा अभिभावकहरु समेत निकै उत्साहित हुनु भएको प्र.अ. पोखरेलले बताउनु भएको छ ।
प्रतिक्रिया दिनुहोस
Copyright © 2019 / 2024 - Newpati.com - All rights reserved