सभापतिमा सिंह, निधि, र गुरुङको समर्थन देउवालाईनै

web-pic

काठमाडौं :  नेपाली कांग्रेसको १४ औं महाधिवेशनमा सभापतिको निर्वाचनमा पहिलो चरणमा कसैले पनि ५० प्रतिशत मत नकटाएपछि दोस्रो चरणको मतदान हुने भएको छ ।  दोस्रो चरणको मतदानमा कांग्रेस नेता प्रकाशमान सिंह ,विमलेन्द्र निधि र कल्याण गुरुङले शेरबहादुर देउवालाई समर्थन गर्ने भएका छन । सभापतिमा उम्मेदवारी दिएका देउवा,निधि,डा. शेखर कोइराला,प्रकाशमान सिंह र कल्याण गुरुङ कसैले पनि पहिलो चरणमा ५० प्रतिशत मत ल्याउन सकेनन् ।

पहिलो चरणमा देउवाले २२५८, कोइरालाले १७०२, सिंहले ३७१ , निधिले २४९ र गुरुङले २२ मत प्राप्त गरेका थिए । कांग्रेसमा पहिलो चरणमा सभापतिका उम्मेदवारले ५० प्रतिशत मत नकटाए दोस्रो चरणमा पहिलो र दोस्रो हुने उम्मेदवारबीच प्रतिस्पर्धा हुने प्रावधान छ । अब धेरै मत ल्याउने देउवा र कोइरालाबीच दोस्रो चरणमा प्रतिस्पर्धा हुनेछ । अब डा. कोइरालाबाहेक सभापतिका सबै उम्मेद्धार देउवाको पक्षमा उभिएका छन । दोस्रो चरणको निर्वाचन आजै दिउँसो साँढे ३ वजेदेखि हुने भएको छ ।