चतरा । चेल्सीका फर्वाड ओलिभियर जिरुडलाई ईटालियन क्लब एसी मिलानले अनुबन्दित गरेको छ । एसी मिलानबाट उनले ९ नम्बरको जर्सी लगाएर खेल्ने छन् ।
३० सेप्टेम्बर, १९८६ मा फ्रान्समा जन्मिएका जिरुडले बिभिन्न क्लबहरुबाट व्यवसायिक फुटबल खेलिसकेका छन् । २०१२ मा इङ्गलिस क्लब आर्सनल छिरेका उनले कुल २५३ खेल खेलेका थिए जसमा १०५ गोल गरेर समान ३-३ वटा "एफ ए कप" र "कम्युनिटी सिल्ड" जितिसकेका छन् ।
२०१८ मा अर्काे इङ्गलिस क्लब चेल्सी गएका जिरुडले ११९ खेल खेल्ने मौका पाए जसमा उनले ३९ गोल गरे भने क्लबसँग रहेर समान १-१ वटा "च्याम्पियन्स लिग, युरोपा लिग र एफ ए कप" जित्न सफल भए ।
सन् २०११, नोभेम्बर मा फ्रान्सका लागि पहिलो खेल खेलेका उनले अहिले सम्म ११० खेल खेलेका छन् जसमा ४६ गोलको योगदान गरी २०१८ कोे "बिश्व कप" समेत जितिसकेका छन् ।
प्रतिक्रिया दिनुहोस
Copyright © 2019 / 2024 - Newpati.com - All rights reserved