अर्जेन्टिनाको कप्तान लियोनल मेस्सीले कोपा अमेरिका फुटबलमा उपाधिसँगै दुई वटा अवार्ड जितेका छन् । मेस्सीले वेष्ट प्लेयर र सर्बाधिक गोलकर्ताको अवार्ड जितेका हुन् । ब्राजिलमा सम्पन्न ४७औं संस्करणको उपाधि अर्जेन्टिनाले जित्दा मेस्सीले चार गोल गरे । सात खेलमा उनले पाँच असिष्ट पनि गरेका छन् ।
अर्जेन्टिनाका एमिलियानो मार्टिनेज कोपा अमेरिका २०२१ को उत्कृष्ट गोलकिपर घोषित भएका छन् । अर्जेन्टिनाले २८ वर्षपछि कोपा अमेरिकाको उपाधि जित्दा गोलकिपर मार्टिनेजले उत्कृष्ट प्रदर्शन गरेका थिए ।आइतबार बिहान भएको फाइनलमा अर्जेन्टिनाले ब्राजिललाई उसैको मैदानमा १–० ले हराउँदा मार्टिनेजले उत्कृष्ट प्रदर्शन गरे ।
६ वटा खेल खेलेका उनले ४ खेलमा क्लिनसिट राखेका थिए । सेमिफाइनलमा कोलम्बियाविरुद्ध पेनाल्टीसुटआउटमा मार्टिनजले ३ पेनाल्टी रोकेका थिए । अर्जेन्टिनाका एन्जल डी मारिया फाइनल खेलको प्लेयर अफ दि म्याच चुनिए । ब्राजिलविरुद्ध उनले नै २२ औं मिनेटमा निर्णायक गोल गरेका थिए ।
प्रतिक्रिया दिनुहोस
Copyright © 2019 / 2024 - Newpati.com - All rights reserved
