मंसिर । भारतको पश्चिम बंगालमा तृणमूल कांग्रेसको पहुँच छ । त्यसैले पनि त्यहाँ भारतीय जनता पार्टीका कार्यकर्ता तथा तृणमूल कांग्रेसका कार्यकर्ताबीच ठुलै झडपहरु हुँदै आएका छन् । केही समय अगाडीमात्र भारतमा सम्पन्न आम निर्वाचनको क्रममा पनि पश्चिम बंगालमा यी दुई पार्टीबीच झडपहरु हुँदै आएका छन् । जहाँ कतिपय मानिसहरुको मृत्यु समेत हुने गरेको छ । यसबीच पश्चिम बंगालमा भाजपाका एक नेतालाई तृणमूल कांग्रेसका कार्यकर्ता कुटपिट गरेका छन् ।
भाजपाका उपाध्यक्ष जोय प्रकाश मजुमदर कुटपिट गर्दै लात्ती हानेर झाडीमै फालिदिएका छन् । सोमबार पश्चिम बंगालको करिमनगरमा विधानसभाको उपनिर्वाचनका लागि मतदान भइरहेको थियो। चुनाव उठेका भाजपाका उपाध्यक्षलाई मतदान केन्द्रनजिकै कुटपिट गरिएको हो । मजुमदर मतदान स्थलमा प्रबेश गर्न खोजेपछि तृणमूल कांग्रेसका कार्यकर्ताले नाराबाजी गर्दै फर्कन भनेका थिए । तर उनले त्यसलाई बेवास्ता गरेपछि तृणमूल कांग्रेसका कार्यकर्ताले कुटेका हुन् ।
घटनाको भिडियो यतिबेला निकै भाईरल भईरहेको छ । तृणमूलका नेताहरूले मजुमदरले नै शान्त वातारणको माहोललाई बिगारेपछि घटनाक्रम सृजित भएको बताएका छन् । यता सो घटनाबारे भाजपाले निर्वाचन आयोगलाई पत्रचार गरिसकेको छ । उक्त स्थानमातृणमूल कांग्रसका सांसद परमनाथ रोयको मृत्यु भएपछि उपनिर्वाचन भएको हो ।
प्रतिक्रिया दिनुहोस
Copyright © 2019 / 2024 - Newpati.com - All rights reserved
