दुई हेभिवेटको भिडन्त : इटालीको अपराजित यात्रामा बेल्जियमको चुनौती
- असार १८, २०७८
- २६८ पटक पढिएको
- न्यू पाटी
दुई महारथी टोली इटाली बेल्जियम आज यूरो २०२० को सेमिफाइनलमा स्थान बनाउनका लागि भिड्दैछन् । दुई टोली मुख्य प्रतियोगिताको नकआउट चरणमा भिड्न लागेको यो पहिलो अवसर हो ।
थोर्गान हजार्डले उत्कृष्ट गोल गर्दै साबिक विजेता पोर्चुगललाई अन्तिम १६ मा पच्छ्याएर बेल्जियम क्वार्टरफाइनलमा स्थान बनाउन सफल भएको हो । तर, उक्त जीत बेल्जियमका लागि महँगो साबित भएको छ । स्टार खेलाडी केभिन डी ब्रुयना र इडेन हजार्ड चोटग्रस्त हुँदै मैदान छाड्न बाध्य बनेका छन् ।
फुटबल पण्डितहरू डी ब्रुयना र हजार्डको अनुपस्थित बेल्जियमका लागि समस्या हुन सक्ने बताउँछन् । डेनमार्कविरुद्ध दुई खेलाडीले सुरुवात नगर्दा पहिलो हाफमा बेल्जियम आक्रामक खेल प्रदर्शन गर्न सकेको थिएन । तर, प्रतियोगितामा चार जीत र तीन क्लिन सीट राखेको बेल्जियम अर्को चरणमा पुग्नका लागि आत्मविश्वासी रहेको छ ।
यता, इटाली कीर्तिमानी ३१ खेलमा अपराजित रहँदै क्वार्टरफाइनलमा प्रवेश गरेको छ । समूह चरणमा उत्कृष्ट प्रदर्शन गरेको पनि अन्तिम १६ मा भने इटालीले अस्ट्रियाको कडा चुनौतीको सामना गर्नुपरेको थियो । अतिरिक्त समयमा २–१ ले विजयी बन्दै टोली क्वार्टरफाइनलमा प्रवेश गरेको हो । इटालीको अपराजित यात्रालाई बेल्जियमले कडा चुनौती दिने अपेक्षा गरिएको छ ।
बेल्जियम : कोर्टवा, एल्डरवियर्ल्ड, भर्मालिन, भेर्टोन्गेन, थोर्गान हजार्ड, विटसल, टेलीमान्स, मुनियर, एडिन हजार्ड/मर्टेन्स, लुकाकु, कारास्को/डी ब्रुयना
खेल्नेमा शंका : हजार्ड, डी ब्रयुना
इटाली : डोनारुम्मा, डी लोरेन्जो, बोनुची, चिलेनी, स्पिनाजोला, बारेला, जोर्गिन्हो, भेराटी, चिएसा, इमोबाइल, इन्सिग्ने
खेल समय : राति १२:४५ बजे