इटहरी : हास्य प्रस्तुति सहित सांस्कृतिक कार्यक्रम "कमेडी यात्रा" सुनसरीको इटहरीमा सम्पन्न भएको छ ।
होटल व्यवसायी संघ इटहरी र होटल तथा पर्यटन व्यवसायी संघ सुनसरीको संयुक्त आयोजनामा कमेडी यात्रा कार्यक्रम सम्पन्न भएको हो ।
कमेडी यात्रामा हास्यकलाकारहरु जितु नेपाल, सुरेन्द्र केसी, शिवशंकर रिजाल, निराजन नेपाल, सुमन कार्कीले हास्य प्रस्तुति सहित सम-सामयिक विषयमा व्यङ्ग प्रस्तुति गरेर दर्शकहरुलाई हसाएका थिए । गायिक मिलन नेवारले गित प्रस्तुत गरेर दर्शकहरुलाई मनोरञ्जन गराएकी थिइन् भने नागि डान्स सेन्टरका कलाकारहरुले नृत्य प्रस्तुत गरेका थिए ।
उक्त कार्यक्रममा होटल व्यवसायी संघ इटहरीका अध्यक्ष जिवन पराजुलीको अध्यक्षता तथा उद्योग वाणिज्य संघ इटहरीका अध्यक्ष भिमवहादुर पौडेलको प्रमुख आतिथ्य रहेको थियो । होटल व्यवसायी, होटलका कर्मचारीहरु र अन्य व्यवसायी लगायतको सहभागिता रहेको कार्यक्रममा मिलन नेवारको गितमा दर्शक नाचेर रमाईलो गरेको थिए ।
कार्यक्रममा पर्यटन पुनर्उत्थान समिति प्रदेश नम्बर १ का संयोजक तथा होटल व्यवसायी भविष श्रेष्ठ, पर्यटन व्यवसायी बासु बराल लगायतका अतिथीहरुको सहभागिता रहेको थियो ।
प्रतिक्रिया दिनुहोस
Copyright © 2019 / 2024 - Newpati.com - All rights reserved
