इटहरीमा जितिया विशेष आयोजना

इटहरी : पुर्वी तराईमा वसोवास गर्ने थारु समुदायका महिलाहरुले सन्तानको सुख शान्ती र दिर्घायुको कामना गर्दै जितिया पर्व धुमधामका साथ मनाउने गरेका छन् । सोही अवसरमा सुनसरीको इटहरीमा जितिया विशेष मौलिक प्रवद्र्धन सांस्कृतिक कार्यक्रमको आयोजना गरेको छ । थारु समुदायको कला ,भाषा ,संस्कृतिको संरक्षण र प्रवद्र्धनमा जोड दिदै थारु महिला सभा सुनसरीले जितिया विशेष मौलिक प्रवद्र्धन सांस्कृति कार्यक्रमको आयोजना गरेको हो ।

कोशी प्रदेश सभा सदस्य सुनिता गच्छदारको प्रमुख आतिथ्य तथा थारु महिला सभा सुनसरीकी अध्यक्ष सुशिला लेखीको अध्यक्षतामा आयोजित जितिया विशेष मौलिक प्रवद्र्धन सांस्कृतिक कार्यक्रममा थारु समुदायका कला ,भाषा ,भेषभुषा , परम्परा 
सस्कृति संरक्षणमा बक्ताहरुले जोड दिएका थिए । सोही अवसरमा विभिन्न क्षेत्रका थारु अगुवाहरुलाई सम्मान गरिएको छ ।

यसरी सम्मानीत हुनेहरुमा प्रतिनिधिसभा सदस्य कल्पना गच्छदार , कोशी प्रदेश सभा सदस्य सुनिता चौधरी , इटहरी उपमहानगरपालिका उपप्रमुख संगिता चौधरी ,कलाकारहरु अनुमा चौधरी , कुलदिप चौधरीर सुनिल चौधरी लगायत लाई कार्यक्रममा सममान गरिएको छ । कार्यक्रममा थारु भाषाका विभिन्न गित संगीत सहित प्रहसनहरु प्रस्तुत गरिएको थियो ।

कार्यक्रममा विभिन्न ठाउँहरुबाट आएका थारु समुदायका मानिसहरुको उल्लेखनिय सहभागिता रहेको थियो । सुनसरीमा थारु समुदायको उल्लेखनीय जनसंख्या रहेको छ ।