आमा गीतको म्युजिक भिडियोको छाँयाकन अन्तिम चरणमा

इटहरी । लोक तथा दोहोरी गायिका गंगा गौतम आचार्यको आमा तिमी हाम्रो लागि देवता भन्दा माथि बोलको गीतको म्युजिक भिडियो इटहरीका विभिन्न ठाँउमा छाँयाकन गरिएको छ ।

सुनसरीको इटहरीमा रहेर ५० भन्दा वढी गितहरुमा स्वर दिएकी गंगा गौतम आचार्यको आफनै शब्द रचनाको आमा गीतको म्युजिक भिडियोको छाँयाकन अन्तिम चरणमा पुगेको हो ।

इटहरीकै कलाकार तुलसी घिमीरेको निर्देशन रहेको आमा गीतमा संगीत बलराम समालले दिएका छन । सम्पादन कार्य सकेर चाँडै गंगा गौतम अफिसल युटुच्यानलबाट सार्वजनिक गरिने रचनाकार तथा गायिका गौतमले जानकारी दिइन । आमा गीतको छायाँकन इटहरीका जेष्ठ नागरिक समाज , निसाहय बालबालिका सेवा आश्रम र मायाघर नेपाल लगायतका स्थानमा गरिएको छ । सो गीतको म्युजिक भिडियोमा सार्क कवि मनु मञ्जील सहित बाबुराम प्रधान ,गिता गौतम , आश्रमका बालबालिका लगायतको अभियन रहेको छ ।