सुन–चाँदीको मूल्य बढ्यो

काठमाडौं : मंगलबार पनि  सुन–चाँदीको मूल्य बढेको छ। सोमबार प्रतितोला दुई सय रुपैयाँ बढेको सुनको मूल्यमा मंगलबार पनि प्रतितोला दुई सय रुपैयाँले नै बढेको छ।

नेपाल सुनचाँदी व्यवसायी महासंघका अनुसार सोमबार छापावाल सुन प्रतितोला एक लाख १० हजार चार सय रुपैयाँमा कारोबार भएको थियो भने मंगलबार छापावाल सुन प्रतितोला एक लाख १० हजार छ सय रुपैयाँले कारोबार भइरहेको छ ।

त्यस्तै सोमबार तेजाबी सुन प्रतितोला एक लाख नौ हजार आठ सय ५० रुपैयाँमा कारोबार भएको थियो भने मंगलबार तेजाबी सुन प्रतितोला एक लाख १० हजार ५० रुपैयाँमा कारोबार भइरहेको छ ।

मंगलबार चाँदीको मूल्य १० रुपैयाँले बढेको छ। सोमबार चाँदी प्रतितोला १३ सय ६५ रुपैयाँमा कारोबार भएको महासंघले जनाएको छ।