इटहरी : यही माघ २० गते प्रर्दशन हुन लागेको नेपाली चलचित्र "ह्यारीकी प्यारी" को प्रमोशनका लागि नायिका साम्राज्ञी राज्यलक्ष्मी शाह सहित टिम कस्तुरी एकेडेमी इटहरीमा आएको छ ।
प्रर्दशनको तयारीमा रहेको चलचित्र ह्यारीकी प्यारीमा रहेका गितहरु गाएर प्रमोशनका लागि आएका कलाकारहरुको टिमले कस्तुरी एकेडेमीका विद्यार्थीलाई मनोरञ्जन प्रदान गरेको हो ।
प्रमोशनका लागि आएका अभिनेता जितु नेपालले कस्तुरी एकेडेमीमा आयोजित कार्यक्रममा हास्य प्रस्तुति गरेका थिए भने अभिनेेत्री साम्राज्ञीले चलचित्रका विषयमा जानकारी गराइन् । त्यसै गरी गायिका वेनिशा पौडेल लगायतले चलचित्रमा रहेका गितहरुको प्रस्तुति गरेका थिए ।
कार्यक्रममा कस्तुरी कलेजका विद्यार्थीले नृत्य सहित सांस्कृतिक प्रस्तुति गरेर कलाकारहरुलाई स्वागत गरेका कलेजका प्राचार्य कमलेश शर्मा पौडेलले जानकारी दिए । कस्तुरी परिवारले समय समयमा विद्यार्थी कै सहभागितामा सांस्कृतिक कार्यक्रमहरु समेत गर्दै आएको छ ।
प्रतिक्रिया दिनुहोस
Copyright © 2019 / 2024 - Newpati.com - All rights reserved