सुनसरी : जंगली हात्तीको आक्रमणबाट सुनसरीको बराहक्षेत्रका धनबहादुर माझीको मृत्यु भएको छ । बराहक्षेत्र नगरपालिका वडा नम्बर ५ सिमरवनका माझीलाई सोही ठाउँको जनजागृति सामुदायिक वनमा घाँस काट्न गएको समयमा हात्तीले आक्रमण गरेको स्थानियले अनुमान गरेका हुन् ।
केही दिन यता देखि सोही क्षेत्रमा जंगली हात्तीको एक समुह घुमफिर गर्दै आएका छ । हात्ती कराएको आवाज आएपछि जनजागृती सामुदायिक वन क्षेत्रमा रहेको पोखरीमा हात्तीहरु पानी खान आएको अनुमान गरी हेर्न जादाँ माझीलाई मृत अवस्थामा देखेको स्थानीयले वताएका छन् ।
विहानको ११ बजेतिर माझीलाई हात्तीले आक्रमण गरेको अनुमान गरिएको छ । कोशी टप्पु आसपासको क्षेत्रमा एक महिना यता देखि जंगली हात्तीको एक समुह फिरन्ते रुपमा घुम्दै आएको छ । सो फिरन्ते हात्तीको समुह बराहक्षेत्र नगरपालिकाको वडा नम्बर १,२,३,५ र ७ मा समेत घुमिरहेको र स्थानीयका बालीनाली नोक्सान समेत गर्दै आएको स्थानीयले गुनासो गरेका छन् ।
प्रतिक्रिया दिनुहोस
Copyright © 2019 / 2024 - Newpati.com - All rights reserved