इटहरीमा चाडपर्वहरु केन्द्रीत बजार सुरु

इटहरी : दशै तिहार लगायतका चाडपर्वहरु केन्द्रीत बजार सुरु भई सकेको छ । दशै सुरु भएसंगै उपभोक्ताहरुको बजारमा चहलपहल वढ्न थालेपछि उपभोक्तालाई आकर्षित गर्न विभिन्न किसिमका अफरहरु बजारमा सुरु भएका छन । विदेशी बजार सम्म आफना उत्पादनहरु पठाउदै आएको सुनसरीको इटहरीमा रहेका सगरमाथा गार्मेटले पनि उपभोक्ताहरुलाई लक्षित गरी कपडा तथा जुत्ता खरिदमा छुट अफर सुरु गरेको छ ।

गार्मेटका सञ्चालक डम्वर तामागंले चाडपर्व केन्द्रीत भएर आफना उपभोक्ताहरुलाई गुणस्तरिय सामानका साथै विशेष छुटको व्यवस्था गरेको जानकारी दिए । उनले आफनो कम्पनीका उत्पादनहरु खरिद गर्ने उपभोक्ताहरुलाई १० देखि २० प्रतिसत छुटको व्यवस्था गरेको साथै छुट अफर छठ सम्मका लागि रहने समेत वताए ।  इटहरीमा रहेको सगरमाथा कम्पनीले कपडा ,जुत्ता र खुकुरी उत्पादन साथै विभिन्न ठाउँबाट विक्री वितरण गर्दै आएको छ ।