इटहरी : भारतीय इलेक्ट्रिक ब्रान्ड कोमाकीका इलेक्ट्रिक स्कुटरको विक्री पुर्वी नेपालको इटहरीबाट समेत सुरु गरिएको छ । जिसी मोटर्सले इटहरीको जुट विकासमा सोरुम सञ्चालनमा ल्याएको हो । सोरुमको इटहरी उपमहानगरपालिका वडा नम्बर ९ का वडाध्यक्ष जितेन्द्र थापाले एक कार्यक्रमका विच उद्धघाटन गरेका हुन ।
नेपाली भौगोलिक अवस्थालाई सुहाउदो इलेक्ट्रिक स्कुटरहरु कोमाकीले ल्याएको सञ्चालक मध्येका गिरिस पोखरेलले जानकारी दिए । उनले हाल कोमाकीका तीन किसिमका स्कुटरहरु विक्रीमा ल्याएको र त्यसमा पनि कोमाकी भेनिस आफुले समेत रुचाएको वताए ।
चार घण्टा चार्ज गरे ८० देखि १८० किलोमिटर चलाउन सकिने स्कुटरहरुको मुल्य २ लाख ७० हजार देखि ४ लाख ५० हजार सम्म पर्ने समेत सो अवसरमा जानकारी गराइयो । पहाडी क्षेत्रमा समेत कोमाकी ब्राण्डका स्कुटरहरु सहज रुपमा चलाउन सकिने तथा वातावरण मैत्री , दैनिक पेट्रोल हालि रहनु नपर्ने , दुई वर्ष पेट्रोल हाल्ने पैसाले स्कुटर नै खरिद गर्न सकिने लगायतका फाइदाहरु रहेको सोरुम उद्धघाटन कार्यक्रममा वताइयो ।
जिसी मोटर्सले इटहरीमा भित्रयाएका इलेक्ट्रिक स्कुटरमा रिभर्स असिस्ट, क्रुज कन्ट्रोल, पार्किङ असिस्ट, सेल्फ डायग्नोसिस, रिपेयर स्विच, मोबाइल चार्जिङ प्वाइन्ट, ब्लुटुथ स्पिकर, एन्टी थेफ्ट लक, साइड स्ट्यान्ड सेन्सर, प्यासेन्जर फ्लोर बोर्ड आदि विशेषताहरु रहेको समेत जनाइयो ।
प्रतिक्रिया दिनुहोस
Copyright © 2019 / 2024 - Newpati.com - All rights reserved