इटहरी उप महानगरपालिकाको अग्रसरतामा बजार अनुगमन सुरु

इटहरी :  दशै तिहार लगायतका ठुला चाडपर्व नजिकी रहेको समयमा उपभोक्ताहरु नठगिउन भनेर सुनसरीको इटहरी उपमहानगरपालिकाको अग्रसरतामा बजार अनुगमन सुरु गरिएको छ । दैनिक उपभोक्य वस्तु देखि लिएर लता कपडा ,होटल व्यवसाय लगायतका पसलहरुमा सरोकारवाला निकायहरु सहित उद्योग वाणिज्य संघ , उपभोक्ता मञ्च लगायतको सहभागितामा बजार अनुगमन गरिएको हो । बजार अनुगमन नगरिदा उपभोक्ताहरुले प्रयोग गर्ने खाद्यान्न देखि लिएर अन्य सामानहरु समेत गुणस्तरहिन विक्री वितरण हुने गुनासो वढी रहेको समयमा इटहरी उपमहानगरपालिकाको नेतृत्वमा इटहरीमा बजार अनुगमन हुदै आएको छ । बजार अनुगमनका क्रममा खाद्यान्न देखि लिएर सवै क्षेत्र समेटर गरिने इटहरी उपमहानगरपालिका वडा नम्बर ६का वडाध्यक्ष दिवस पोखरेल वताउछन । उनले बजार अनुगमनका क्रममा केही पसलमा कैफियत भेटिएको र उनीहरुलाई सचेत गराउने काम गरिएको तथा पुन अनुगमन गरिने समेत जानकारी दिएका छन ।

बजार अनुगमनका क्रममा केही पसलहरुमा कैफियत भेटिए पनि कारवाहीका लागि कसरी अघि वढ्ने भनेर कानुनी पाटो वनाएर अघि वढ्ने विषयमा सरोकारवालाहरु विच छलफल भई रहेको उपभोक्ता मञ्चका सुनसरी अध्यक्ष ठगेन्द्र आचार्य वताउछन । इटहरीमा समयसमयमा बजार अनुगमन गरिदै आएको छ । उद्योग वाणिज्य संघ इटहरीका सचिव विष्ण्ुा डाँगी बजार अनुगमनले उपभोक्ता साथै व्यापारीहरुलाई सचेत गराउने भएकाले अनुगमनलाई निरन्तरता दिनु पर्ने वताउछन ।बजार अनुगमनका क्रममा सामानहरुको गुणस्तर दर्ता आदिका विषय समेटिएको छ ।