काठमाडौं : नेपाली कांग्रेसले नेता प्रदीप गिरीको निधनमा शोक प्रस्ताव पारित गरेको छ । आइतबार बसेको केन्द्रीय समितिको आकस्मिक बैठकले गिरीको कामको मूल्यांकन गर्दै नेताहरुले शोक व्यक्त गरेका हुन् । कांग्रेसका सहमहामन्त्री भिष्मराज आङदाम्बेका अनुसार गिरीको निधनमा पार्टीको केन्द्रीय कार्यालयसहित देशभरका पार्टी कार्यालयहरुमा ३ दिनसम्म झन्डा झुकाइने भएको छ ।
त्यस्तै १३ दिनसम्म श्रद्धाञ्जलीका विविध कार्यक्रमहरु आयोजना गरिने उहाँले बताउनुभयो । समाजवादी चिन्तक एवं नेता गिरीको ललितपुरस्थित मेडिसिटी अस्पतालमा क्यान्सर रोगको उपचारका क्रममा शनिबार राति ९ः३० बजे निधन भएको थियो । गिरीको पार्थिव शरीरलाई आइतबार २ बजेसम्म पार्टी कार्यालय सानेपामा श्रद्धाञ्जलीका लागि राखिएको छ ।
नेता गिरिको पार्थिव शरीरलाई अन्त्येष्टिका लागि पशुपति आर्यघाट लैजाने कांग्रेस केन्द्रीय कार्यालयले जनाएको छ ।
प्रतिक्रिया दिनुहोस
Copyright © 2019 / 2023 - Newpati.com - All rights reserved
