इटहरी : मोटरसाइकल चोरी गर्ने दुईजनालाई प्रहरीले पक्राउ गरेको छ । इलाका प्रहरी कार्यालय इटहरीका अनुसार बिहीबार इटहरी ६ का मानबहादुर तामाङको प्र १–०२–०४६ प ८७९० नम्बरको मोटरसाइकल चोरी गर्ने दुईजनालाई प्रहरीले पक्राउ गरेको हो ।
पक्राउ पर्नेमा सुनसरीको बराहक्षेत्र ५ घर भइ इटहरी ४ मा कोठाभाडामा बस्दै आएका २२ वर्षीय मनिष वस्नेत र जिल्ला संखुवासभा सभापोखरी गाउँपालिका ४ वस्ने २० वर्षीय सन्तोष सुनुवार रहेका छन् ।
मोटरसाइकल चोरीमा पक्राउ परेका उनीहरूको कोठाबाट एक किलो दुई सय ५० ग्राम लागूऔषध गाँजा, पेचकस, रेती, रिन्ची, हयाक्सो ब्लेड, सिटी सफारीको ब्याट्री, डिजिटल तराजु, विभिन्न किसिमको हेलमेट तथा विभिन्न कम्पनीका मोबाइल सेट सात थानसहित बरामद गरिएको प्रहरीले जनाएको छ ।
पक्राउ परेका उनीहरूलाई लागूऔषध नियन्त्रण ऐन २०३३ र चोरी सम्बन्धी कसुरमा सुनसरी जिल्ला अदालतबाट म्याद थप गरी आवश्यक अनुसन्धान भइरहेको इटहरी प्रहरीले जनाएको छ ।
प्रतिक्रिया दिनुहोस
Copyright © 2019 / 2024 - Newpati.com - All rights reserved