काठमडौं : नेकपा (माओवादी केन्द्र)ले पुस ११ देखि १३ गतेसम्म हुने प्रथम राष्ट्रिय सम्मेलनको तयारी तीव्र पारेको जनाएको छ । राष्ट्रिय सम्मेलनका बिषयमा जानकारी दिन बुधबार पार्टी कार्यालय पेरिसडाँडामा पत्रकार सममेलन गर्दै माओवादीले राष्ट्रिय सम्मेलनमा १ हजार ५ सय ३३ प्रतिनिधि हुने जानकारी समेत गराएको छ ।
पत्रकार सम्मेलनमा माओवादी प्रवक्ता कृष्ण बहादुर महराले सम्मेलनका लागि भक्तपुर, ललितपुर र काठमाडौंका प्रवेशद्वारमा स्वागतद्वार राखिने र मुख्य ठाउँहरुमा सम्मेनलबारे पोष्टर राखिने जानकारी दिनुभयो । उहाले माओवादीको महाधिवेशन नभएर सम्मेलनमात्र भएका कारण कुनै देशभित्र र बाहिरबाट कुनै अतिथीलाई आमन्त्रण नगरिने उहाले बताउनुभयो ।
उहाले सम्मेलनका लागि राजनीतिक बैचारिक तयारीका लागि अध्यक्ष पुष्प कमल दाहाल प्रचण्डले प्रतिवेदन लेखिरहेको जानकारी दिनुभयो । नयाँ क्रान्तिकारी बिचार निर्माण र नयाँ क्रान्तिकारी पार्टी निर्माण गर्नका लागि सम्मेलन केन्द्रीत हुने महराले बताउनुभयो ।
प्रतिक्रिया दिनुहोस
Copyright © 2019 / 2024 - Newpati.com - All rights reserved