इटहरी : लैंगिक हिंसा विरुद्धको १६ दिने अभियान अन्तर्गत पहिलो दिन सुनसरीको इटहरीमा रहेको सामाजिक कार्य विषय अध्ययन गराउँदै आएको इटहरी नमुना कलेजका विद्यार्थीहरुले सचेतना कार्यक्रम आयोजना गरेका छन् ।
नमुना कलेजमा सामाजिक कार्य संकाय तर्फ स्नातक तह र प्लस टु तर्फ कानुन संकायका विद्यार्थीहरुको सहभागितामा सचेतनामुलक र्याली र डिल डान्स गरिएको हो ।
विगत ८ वर्ष देखि इटहरीमा नमुना कलेजले लैंगिक हिंसा विरुद्धको १६ दिने अभियान अन्तर्गत महिला हिंसा अन्त्यका सवालमा सचेतना कार्यक्रम आयोजना गर्दै आएको कलेजका प्राचार्य धर्म न्यौपानले बताए । त्यसै गरी महिला हिंसा अन्त्यका लागि विद्यार्थीहरुको सचेतना कार्यक्रमले महत्वपुर्ण भुमिका खेल्ने कलेजको कानुन संकायमा अध्ययनरत सपना सुवेदीले बताइन् ।
महिला हिंसा विरुद्धको १६ दिने अभियान अन्तर्गत नमुना कलेजले रक्तदान कार्यक्रम, खाद्यान्न वितरण कार्यक्रम लगायतका कार्यक्रम समेत आयोजना गर्ने कलेज अन्तर्गत सामाजिक कार्य विभागका प्रमुख शैलेन्द्र राईले जानकारी दिए ।
बिहीबारबाट सुरु भएको महिला हिंसा विरुद्धको अभियान १० डिसेम्बरमा सकिन्छ । यस वर्ष लैङ्गिक हिंसा विरुद्धको राष्ट्रिय नारा, "घरबाटै सुरु गरौं, महिला हिंसा अन्त्य गरौं" रहेको छ ।
प्रतिक्रिया दिनुहोस
Copyright © 2019 / 2024 - Newpati.com - All rights reserved