सुनसरीको इटहरीमा लैंगिक हिंसा विरुद्धको १६ दिने अभियानको उद्घाटन

इटहरी : लैंगिक हिंसा विरुद्धको १६ दिने अभियान अन्तरगत सुनसरीको इटहरीमा सरोकारवालाहरु बिच अन्तरक्रिया कार्यक्रमको आयोजना गरि उद्घाटन गरिएको छ ।

इटहरी उपमहानगरपालिकाको आयोजनामा लैंगिक हिंसा विरुद्धको १६ दिने अभियान उद्घाटन गरिएको हो । १६ दिन सम्म विभिन्न कार्यक्रम गरी मनाईने लैंगिक हिंसा विरुद्धको अभियान अन्तरगत इटहरीमा रहेका विभिन्न संघसस्थाहरुको सहभागितामा विभिन्न किसिमका कार्यक्रमहरु आयोजना गरिने भएको छ ।

इटहरी उपमहानगरपालिकाकी उप प्रमुख लक्ष्मी गौतमको अध्यक्षतामा भएको अन्तरक्रिया कार्यक्रमका सहभागी बक्ताहरुले घरबाटै हिंसा अन्त्यका लागि कदम चाल्नु पर्नेमा जोड दिए । लैंगिक हिंसा अन्त्यका लागि सबैको समान सहभागिता हुनु पर्नेमा जोड दिए । कार्यक्रममा नागरिक समाज इटहरीका अध्यक्ष राजु केसी, नेपाल रेडक्रस सोसाईटी इटहरीका अध्यक्ष विमल पौडेल, महिला सञ्जालकी उपाध्यक्ष सुभद्रा प्याकुरेल, इटहरी उपमहानगरपालिकाका प्रमुख प्रशासकीय अधिकृत सुर्यप्रसाद सुवेदी, इटहरी लेडी जेसिजकी अध्यक्ष गिता सुवेदी लगायतका अतिथीहरुको अन्तरक्रिया कार्यक्रममा सहभागिता रहेको थियो ।