साउथ अफ्रीकाका क्रिकेटर ए बी डिभिलियर्सले क्रिकेटको सबै फर्म्याटबाट सन्यास लिएका छन् । शुक्रबार ट्विटर मार्फत उनले सन्यास लिएको घोषणा गरेका हुन् ।
२०१८ मा नै अन्तराष्ट्रिय क्रिकेटबाट सन्यास लिएका उनी इन्डियन प्रिमियर लिग (आइपिएल) मा भने रोयल च्यालेन्जर बेङ्गलोरबाट खेलिरहेका थिए । हिजोको निर्णय सङ्गै उनले रोयल च्यालेन्जर बेङ्गलोर सङ्गको १० वर्ष लामो यात्रालाई पनि पुर्णबिराम लाएका छन् ।
उनले आफ्नो क्रिकेटिङ करियरमा कुल ७८ वटा टि ट्वान्टीमा १६७२ रन, २२८ वटा एक दिवसियमा ९५७७ रन र ११४ वटा टेष्ट म्याचमा ८७६५ रन बनाएका छन् ।
एक दिवसिय फर्म्याटमा उनको नाममा कैयौ रेकर्डहरु छन् । सन् २०१५ मा वेष्ट इन्डिज विरुद्धको खेलमा १६ बलमै ५० रन बनाएका उनले सोहि खेलमा ४७ बलमा १०० रन बनाएर विश्व किर्तिमान कायम गरेका थिए । २०१५ को एक दिवसिय विश्वकपमा वेष्ट इन्डिज विरुद्ध नै ६४ बलमा १५० रन पुरा गरेर त्यो रेकर्ड पनि आफ्नै नाम गरेका थिए ।
प्रतिक्रिया दिनुहोस
Copyright © 2019 / 2024 - Newpati.com - All rights reserved