काठमाडौं : अखिल नेपाल फुटबल संघ (एन्फा) को आयोजनामा हुने सहिद स्मारक 'ए' डिभिजन लिग फुटबलको नयाँ सिजन आजदेखि सुरु हुँदैछ ।
आज हुने उद्घाटन खेलमा सातदोबाटो युथ क्लब र फ्रेण्ड्स क्लब भिड्नेछन् । खेल अपरान्ह पौने ५ बजे दशरथ रंगशालामा फ्लड लाइटमा खेलाईने छ । दोस्रो दिनबाट हरेक दिन दुई खेलहरु हुनेछन् ।
कुल ९१ खेल हुने लिगमा ‘ए’ डिभिजनका १४ क्लबले प्रतिस्पर्धा गर्नेछन् । यस पटकको लिग विजेताले ७५ लाख रुपैंया पुरस्कार पाउनेछ भने उपविजेताले ५० लाख प्राप्त गर्दा तेस्रो हुने टिमले २५ लाख पाउने छ ।
त्यसै गरी हरेक खेलको विजेताले ५० हजार पाउने छन् । खेल बराबरीमा सकिए दुबै टोलीले २५-२५ हजार रुपैँया पाउने छन् । यस पटकको लिगको पुछारमा रहने दुई टिम रेलिगेसनमा पर्दै ‘बी’ डिभिजनमा झर्ने छन् ।
प्रतिक्रिया दिनुहोस
Copyright © 2019 / 2024 - Newpati.com - All rights reserved
