एजेन्सी : पाकिस्तानलाई ५ विकेटले हराउँदै अस्ट्रेलियाले टी २० विश्वकप क्रिकेटको फाइनलमा स्थान बनाएको छ ।
गए राती भएको दास्रो सेमिफाइनल खेलमा टस हारेर पहिले ब्याटिङ् को निम्तो पाएको पाकिस्तानले २० ओभरमा १ सय ७७ रनको चुनौती दिएको थियो । पाकिस्तानबाट मोहम्मद रिजवानले ६७, बाबर आजमले ३९ र फकर जमानले अविजित ५५ रन बनाएका थिए ।
जवाफी ब्याटिङ थालेको अस्ट्रेलियाले कप्तान आरोन फिन्चलाई शुन्यमै गुमाएको थियो । डेभिड वार्नरले ४९ रनको पारी खेलेपनि १०.१ ओभरमा सदाब खानको बलमा मोहम्मद रिजवानले उनलाई आउट गरेका थिए । त्यसपछि दबाबमा देखिएको अस्ट्रेलियाले १२.२ ओभरमा आफ्नो ५ विकेट गुमाइसकेको थियो ।
तर त्यसयता, मार्कस स्टोनिस र म्याथियु व्येडले उत्कृष्ट खेल्दै अस्ट्रेलियालाई खेल जिताए । स्टोनिसले ३१ बलमा २ चौका र २ छक्कासहित अविजित ४० रन जोडे भने व्येडले ४ छक्का र २ चौकासहित अविजित ४१ रन प्रहार गरे । पाकिस्तानबाट सदाब खानले ४ र साहिन शाह अफ्रिदीले १ विकेट लिए ।
फाइनलमा अब अस्ट्रेलियाले न्युजिल्यान्डको सामना गर्नेछ । पहिलो सेमिफाइनल खेलमा इङल्यान्डलाई हराएर न्युजिल्यान्डले फाइनलको यात्रा तय गरिसकेको छ ।
प्रतिक्रिया दिनुहोस
Copyright © 2019 / 2024 - Newpati.com - All rights reserved