एजेन्सी : चेल्सी र आर्सनल काराबाओ कप फुटबल प्रतियोगिताको क्वाटरफाइनलमा प्रवेश गरेको छ ।
मंगलबार राति भएको खेलमा चेल्सीले साउथह्याम्पटनलाई पेनाल्टी सुटआउटमा हराउँदै क्वार्टरफाइनलमा प्रवेश गरेको हो । निर्धारित समयको खेल १–१ को बराबरीमा सकिएपछि पेनाल्टी सुटआउटमा पुगेको थियो । जसमा चेल्सी ४–३ गोलले विजयी बन्यो।
पहिलो हाफको अन्त्यतिर काइ हाभर्टजले चेल्सीलाई अग्रता दिलाए थिए तर दोस्रो हाफको सुरुवातमा नै चे एडम्सले बराबरी गोल फर्काएका थिए । त्यसपछि दुवै टोलीले गोल गर्न नसकेपछि खेल पेनाल्टी सुटआउटमा पुगेको थियो ।
त्यस्तै गएराति नै भएको अर्को खेलमा लिड्स युनाइटेडलाई २–० ले हराउँदै आर्सनल पनि प्रतियोगिताको क्वाटरफाइनलमा प्रवेश गरेको छ । खेलमा आर्सनललाई विजयी गराउन क्यालुम च्याम्बर्स र एन्केतियाले एक एक गोल गरे ।
यसैगरी क्विन्स पार्क रेन्जर्स (क्यू. पि. आर) लाई पेनाल्टी शुट आउटमा ३–१ ले हराउँदै सण्डरल्याण्ड पनि लिग कप फुटबलको क्वाटरफाइनलमा उक्लेको छ ।
प्रतिक्रिया दिनुहोस
Copyright © 2019 / 2024 - Newpati.com - All rights reserved
