मोरङ्ग : उद्योगी व्यवसायीहरुका हकहितका क्षेत्रमा काम गर्ने उद्योग वाणिज्य संघ सुन्दरदुलारीले समय समयमा सामाजिक सेवाका क्षेत्रमा समेत महत्वपुर्ण योगदान गर्दै आएको छ । पछिल्लो समयमा चाडपर्वको समय मानव उपचारका लागि आवश्यक पर्ने रगत अभाव नहोस भनेर रक्तदान कार्यक्रमको आयोजना गरेको छ ।
उद्योग वाणिज्य संघ सुन्दरदुलारीको कार्यालय अगाडी गरिएको रक्तदान कार्यक्रममा ३० जना महिला पुरुषले रक्तदान गरेका हुन । चाडपर्वको समयमा रक्तदान कार्यक्रमहरु कम हुने गरेको तर्फ मध्यनजर गर्दै रक्तदान कार्यक्रम आयोजना गरिएको उद्योग वाणिज्य संघ सुन्दरदुलारीका महासचिव जिवन प्रसाद ढुंगानाले जानकारी दिए । रक्तदान कार्यक्रममा नेपाल रेडक्रस सोसाईटी रक्तसंचार केन्द्र धरानले प्राविधिक सहयोग पुर्याएको थियो ।
उद्योग वाणिज्य संघ सुन्दरदुलारीले कोरोना कहरका समयमा स्वास्थ्य सुरक्षा सामाग्री वितरण , खाद्यान्न सहज रुपमा विक्री वितरण , विपन्न परिवारलाई राहत लगायतका सामाजिक कार्यमा समेत सक्रियता देखाउदै आएको छ ।
प्रतिक्रिया दिनुहोस
Copyright © 2019 / 2024 - Newpati.com - All rights reserved